ا سلام آباد(پی ایم این/ویب ڈیسک)بحری اُمور کے وفاقی وزیر محمد جنید انوار چوہدری نے ملک کے پہلے مکمل ٹرانس شپمنٹ بحری جہاز M.V.ERLIN کے کراچی بندرگاہ پر کامیابی سے لنگر انداز ہونے کا اعلان کیا ہے۔
انہوں نے ایک بیان میں کہا ماضی میں کراچی کی بندرگاہ پر صرف کنٹینرز کے ذریعے سامان کی منتقلی ہوتی تھی تاہم حالیہ پیشرفت بندرگاہ کے آپریشنز میں ایک اہم سنگ میل ہے۔
وفاقی وزیر نے کہا کہ یہ اقدام بین الاقوامی تجارتی راستوں کو آپس میں منسلک کرنے اور کاروباری مواقع کو فروغ دے کر پاکستان کو خطے میں اہم سمندری مرکز بنا سکتا ہے۔