اسلام آباد(پی ایم این/ویب ڈیسک) پاکستان نے غیر قانونی اسرائیلی آباد کاروں کی طرف سے مسجد اقصی کے کمپاؤنڈ پر دھاوا بولنے کی شدید مذمت کی ہے۔
وزارت خارجہ کی طرف سے جاری کردہ ایک بیان میں پاکستان نے مسجد کے احاطے میں غاصب اسرائیل کا پرچم لہرانے کی بھی مذمت کی۔
یہ قابل مذمت کارروائیاں بین الاقوامی قوانین اور مقدس مقام کے تقدس کی بھی کھلی خلاف ورزی ہیں۔
ایسے اشتعال انگیز اقدامات سے خطے میں مزید کشیدگی بڑھنے کا خطرہ بھی ہے۔
پاکستان نے اسرائیلی قبضے میں مقدس مقامات کے تحفظ اور اس کی سرپرستی میں کام کرنے والے غیر قانونی آباد کاروں کوملی ہوئی کھلی چھوٹ ختم کرنے کے لیے تمام ممکنہ اقدامات پر زور دیا۔