اسلام آباد (پی ایم این) وزیراعظم محمد شہباز شریف کو آج شام یورپین کونسل کے صدر انتونیو کوسٹا نے ٹیلی فون کیا۔
اپنی گفتگو کے دوران دونوں رہنماؤں نے مشرق وسطیٰ کی موجودہ صورتحال پر تبادلہ خیال کیا۔
وزیراعظم نے انتونیو کوسٹا کو خطے میں قیام امن کے لیے پاکستان کی سفارتی کوششوں سے آگاہ کیا۔
صدر کوسٹا نے خطے میں مذاکرات اور استحکام کے لیے پاکستان کے تعمیری کردار کو سراہا اور کہا کہ یورپی یونین اس عمل میں ہر ممکن تعاون فراہم کرنے کے لیے تیار ہے۔
دونوں رہنماؤں نے دیرپا علاقائی اور عالمی سلامتی کو یقینی بنانے کے لیے بات چیت اور سفارت کاری جاری رکھنے کی ضرورت پر زور دیا۔ دونوں رہنماؤں نے اس سلسلے میں رابطے میں رہنے پر بھی اتفاق کیا۔