اسلام آباد(پی ایم این)نائب وزیراعظم محمد اسحاق ڈار نے مصر کے وزیرخارجہ بدر عبدالعاطی سے ٹیلی فون پر گفتگو کی۔
دونوں رہنماؤں نے خطے کی موجودہ صورتحال میں اہم پیش رفت پر تبادلہ خیال کیا، جس میں غزہ کی پٹی کی صورتحال بھی شامل تھی۔
نائب وزیراعظم نے تمام مسائل کے حل کیلئے مکالمے اور سفارت کاری کی اہمیت پر زور دیا اور امن، استحکام اور تعمیری روابط کے فروغ کیلئے پاکستان کے عزم کا اعادہ کیا۔
دونوں رہنماؤں نے خطے اور اس سے باہر پائیدار امن کے حصول کیلئے ایران اور امریکہ کے درمیان آئندہ مذاکراتی دور کی کامیابی کیلئے امید کا اظہار کیا ۔
دونوں رہنماؤں نے باہمی رابطے میں رہنے پر بھی اتفاق کیا۔