اسلام آباد(پی ایم این)وزیر داخلہ محسن نقوی نے اسلام آباد میں ڈپلومیٹک انکلیو میں امریکی سفارت خانے کا دورہ کیا۔
دورے کے دوران وزیر داخلہ نے پاکستان میں امریکی ناظم الامور نتالی بیکر سے ملاقات کی اور پاکستان ،امریکہ تعلقات کے فروغ اور خطے کی تازہ ترین پیش رفت پر تفصیلی تبادلہ خیال کیا۔
انہوں نے اسلام آباد میں مذاکرات کے دوسرے دور کیلئے کئے گئے سکیورٹی انتظامات پر بھی تبادلہ خیال کیا۔
نتالی بیکر نے خطے میں کشیدگی کم کرنے میں پاکستان کے مخلصانہ کردار کو سراہا۔
وزیر داخلہ نے امریکی ناظم الامورکو سکیورٹی انتظامات پر بریفنگ دی۔ انہوں نے اسلام آباد مذاکرات کے دوسرے دور کی کامیابی کے لئے دعا بھی کی۔