وزیراعظم محمد شہباز شریف نے اس عزم کا اعادہ کیا ہے کہ پاکستان خطے میں امن و استحکام کے لیے کوششیں جاری رکھے گا۔
انہوں نے یہ بات فرانس کے صدر ایمانوئل میکرون سے ٹیلی فون پر گفتگو کرتے ہوئے کہی۔
فرانسیسی صدر نے اسلام آباد میں ہونے والے امن مذاکرات کی کامیابی کے لیے وزیراعظم کے ساتھ نیک خواہشات کا اظہار کیا۔
انہوں نے وزیراعظم شہباز شریف کی ثالثی کوششوں پر انہیں سراہا، جس کے نتیجے میں ایران اور امریکہ کے درمیان جنگ بندی ہوئی اور فریقین کو مذاکرات کی میز پر لایا گیا۔
فریقین نے لبنان میں جاری جارحیت پر اپنی شدید تشویش کا اظہار کیا اور تشدد اور قتل و غارت کے خاتمے کی فوری ضرورت پر زور دیا، تاکہ پورے خطے میں امن بحال ہو سکے۔
وزیراعظم نے پاکستان کی سفارتی کوششوں کی حمایت کرنے پر صدر میکرون کا شکریہ ادا کیا۔
دونوں رہنمائوں نے قریبی رابطے میں رہنے پر اتفاق کیا۔