وزیراعظم شہباز شریف نے اپنے لبنانی ہم منصب نواف سلام سے ٹیلیفون پر رابطہ کیا اور لبنان کے خلاف اسرائیل کی جاری جارحیت کی شدید مذمت کی۔
انہوں نے حملوں میں ہزاروں قیمتی جانوں کے ضیاع پر افسوس کا اظہار کیا۔
انہوں نے کہا کہ پاکستان علاقائی امن کے لیے مخلصانہ کاوشیں کررہا ہے اور اسی جذبے کے تحت ایران اور امریکہ کے درمیان امن مذاکرات کا انعقاد کیا جا رہا ہے۔
وزیراعظم شہباز شریف کی امن کوششوں کا شکریہ ادا کرتے ہوئے لبنانی وزیراعظم نے لبنان اور اس کے عوام پر حملے فوری طور پر ختم کرنے کے لیے پاکستان کی مدد اور حمایت کی درخواست کی۔
دونوں رہنماوں نے رابطے میں رہنے پر اتفاق کیا۔