پاکستان اور سعودی عرب کا لبنان میں جنگ بندی کی خلاف ورزیوں پر اظہار تشویش
———————————————–
اسلام آباد(پی ایم این )پاکستان اور سعودی عرب نے لبنان میں جنگ بندی کی خلاف ورزیوں پر گہری تشویش کا اظہار کیا ہے۔
اس تشویش کا اظہار نائب وزیراعظم اسحق ڈار اور سعودی وزیر خارجہ پرنس فیصل بن فرحان کے درمیان ٹیلیفون پر گفتگو کے دوران کیا گیا۔
انہوں نے پائیدار امن اور استحکام کو یقینی بنانے کیلئے جنگ بندی کے مکمل احترام اور عملدرآمد کی فوری ضرورت پر زور دیا۔
اسحق ڈار نے سعودی عرب کی طرف سے پائیدار امن کے حصول کے سلسلے میں پاکستان کی کوششوں کی مسلسل حمایت کوسراہا۔
دونوں رہنماؤں نے قریبی رابطے میں رہنے پر اتفا ق کیا۔