پاکستان اور ترکیہ کے عدالتی تعاون بڑھانے کیلئے مفاہمت کی یادداشت پر دستخط

پاکستان اور ترکیہ کے عدالتی تعاون بڑھانے کیلئے مفاہمت کی یادداشت پر دستخط

April 06, 2026
اسلام آباد(پی ایم این )پاکستان اور ترکیہ نے عدالتی تعاون بڑھانے کے لیے مفاہمت کی یادداشت پر دستخط کیے ہیں۔

مفاہمتی یادداشت پر آج اسلام آباد میں ایک تقریب میں چیف جسٹس آف پاکستان جسٹس یحییٰ آفریدی اور ترک آئینی عدالت کے صدرKadir Ozkaya نے دستخط کیے۔

اس موقع پر خطاب کرتے ہوئے چیف جسٹس آف پاکستان نے کہا کہ مفاہمتی یادداشت ہماری متعلقہ عدلیہ کے لیے ایک اہم قدم ہے۔

انہوں نے کہا کہ یہ دونوں ممالک کے درمیان تعاون کی کوئی عام دستاویز نہیں کیونکہ یہ آئینی حکمرانی کو مضبوط بنانے، قانون کی بالا دستی کو برقرار رکھنے، عدالتی آزادی کو یقینی بنانے اور بنیادی حقوق کے تحفظ کے مشترکہ وژن اور عزم کی نمائندگی کرتی ہے۔

چیف جسٹس آف پاکستان نے کہا کہ مفاہمتی یادداشت سے دونوں ملکوں کی عدلیہ کے درمیان تعاون کا لائحہ عمل فراہم کیا گیا ہے۔

اس موقع پر ترک آئینی عدالت کے صدرKadir Ozkaya نے کہا کہ پاکستان اور ترکیہ کے درمیان تعلقات معمول کی سفارت کاری سے کہیں زیادہ وسیع ہیں۔ انہوں نے کہا کہ دونوں ممالک کے عوام ہمیشہ ایک دوسرے کے ساتھ کھڑے رہے ہیں۔