لاہور(پی ایم این)لاہور پریس کلب اورسپریم کورٹ بار ایسوسی ایشن ، لاہورہائی کورٹ بار ایسوسی ایشن اور لاہوربار ایسوسی ایشن کے سینئر وکلاءاور ریٹائرڈججزپر مشتمل لیگل ونگ کے درمیان لاہورپریس کلب کی ساکھ کو نقصان پہنچانے ،آزادی رائے کے حصول ، صحافیوں کو دھمکانے ، کردارکشی کرنے سمیت دیگر معاملات کے خلاف قانونی کارروائی کرنے کے لئے معاہدہ طے پا گیاہے۔معاہدہ کی تقریب میں صدر لاہور پریس کلب ارشد انصاری، سیکرٹری افضال طالب، جوائنٹ سیکرٹری عمران شیخ ،صدر کورٹ جنرل ایسوسی ایشن محمد اشفاق، سیکرٹری محمد ہارون، نائب صدر شیخ زین العابدین، سیکرٹری ڈیجیٹل میڈیا اسد شاہ، طارق خان، محمد وقاص، ارشد علی خان، فیصل خان، ندیم خالد سمیت دیگر سینئر کورٹ رپورٹرز نے شرکت کی۔تقریب میں ریٹائرڈ سیشن جج چوہدری طارق جاوید، سابق سیکرٹری لاہور ہائی کورٹ بار فرخ الیاس چیمہ،ڈپٹی اٹارنی جنرل راجہ خرم شہزاد ،سابق جج محمد رمضان ڈھڈی، قانونی ماہر ناصر چوہان، چوہدری نصیر کمبو ،احمد رانجھا اور حافظ اسرار الحق بھی موجود تھے۔
