ا سلام آباد(پی ایم این/ویب ڈیسک)وزیر مواصلات عبدالعلیم خان اور وزیر ریلوے محمد حنیف عباسی نے عوام کو محفوظ، جدید اور تیز رفتار سفری سہولیات فراہم کرنے کے لیے مشترکہ حکمت عملی اپنانے پر اتفاق کیا ہے۔
یہ مفاہمت دونوں رہنماؤں کے درمیان آج اسلام آباد میں ملاقات کے دوران ہوئی۔ ملاقات میں دونوں وزراء نے ٹرانسپورٹ اور ریلوے کے شعبوں میں تعاون بڑھانے پر تبادلہ خیال کیا۔
انہوں نے قومی اداروں کو مضبوط بنانے اور عوام کی خدمت کے عزم کا اظہار کیا۔ دونوں رہنماؤں نے بہتر ادارہ جاتی ہم آہنگی کے ذریعے ترقیاتی منصوبوں پر کام کی رفتار تیز کرنے کا عزم بھی ظاہر کیا۔