ا سلام آباد(پی ایم این/ویب ڈیسک)
جنوبی اور وسطیٰ ایشیائی امور کیلئے امریکی نائب وزیر خارجہ پال کپور نے علاقائی امن و استحکام کیلئے پاکستان کے کردار کو سراہا ہے۔
انہوں نے ان خیالات کا اظہار اسلام آباد میں وزیر داخلہ محسن نقوی سے گفتگو کرتے ہوئے کیا۔
ملاقات میں پاکستان۔امریکہ تعلقات اور مشرق وسطیٰ کی تازہ ترین صورتحال پر گفتگو کی گئی۔ اس موقع پر سکیورٹی، انسداد دہشتگردی اور انسداد منشیات کے شعبوں میں اشتراک کار بڑھانے پر بھی تبادلہ خیال کیا گیا۔
وزیر داخلہ نے کہا کہ پاکستان مشرق وسطیٰ کے تنازع کے دیرپا اور پرامن حل کیلئے پُر امید ہے۔