ا سلام آباد(پی ایم این/ویب ڈیسک)ڈی جی آئی ایس پی آر لیفٹیننٹ جنرل احمد شریف چوہدری کی شفاء تعمیر ملت یونیورسٹی اسلام آباد کے طلبہ اور اساتذہ کے ساتھ خصوصی نشست ہوئی ۔
ڈی جی آئی ایس پی آر کی شفاء تعمیر ملت یونیورسٹی آمد پر اساتذہ، فیکلٹی ممبران اورطلبہ نے پرتپاک استقبال کیا۔
لیفٹیننٹ جنرل احمد شریف چوہدری نے قومی سلامتی کے اموربشمول انسداد دہشتگردی اورانفارمیشن وارفیئر پر تفصیلی گفتگو کی۔
ڈی جی آئی ایس پی آر نے خصوصی سیشن کے دوران طلبہ کے سوالات کے تفصیلی اور مدلل جوابات دیئے۔
خصوصی نشست کے بعد شرکاء کا کہنا تھا کہ خصوصی سیشن میں ذمہ دارانہ سوشل میڈیا کے استعمال سے متعلق جامع آگاہی حاصل ہوئی ۔
شرکا کا کہنا تھا کہ معرکہ حق کی تاریخی فتح نے پاکستان کے وقار میں نمایاں اضافہ کیا۔ دفاع وطن کیلئے افواج پاکستان کی لازوال قربانیوں کو خراجِ عقیدت پیش کرتے ہیں۔
شرکا نے کہا کہ نوجوانوں کو جعلی خبروں، منفی پروپیگنڈے اور ہائبرڈ وارفیئر کے خطرات سے آگاہی دینا وقت کی اہم ضرورت ہے۔
وائس چانسلرشفاء تعمیر ملت یونیورسٹی ڈاکٹرمحمد اقبال خان نے کہا کہ نوجوان نسل کو پاکستان کےاستحکام اورسلامتی کیلئے مثبت کردارادا کرنا چاہئے ۔
اساتذہ اور طلبہ نے قومی سلامتی کو درپیش خطرات کے پیش نظرمسلح افواج کے ساتھ یکجہتی کے غیر متزلزل عزم کا اعادہ کیا۔
مختلف شہروں، بالخصوص وزیرستان کے طلبہ نے خصوصی نشست کو مثبت اور مؤثر پیشرفت قرار دیتے ہوئے بھرپور انداز میں سراہا۔