وزیر اعلی مریم نواز شریف نے پنجاب میں گورننس کا نیا معیار متعارف کرا دیا

لاہور( پی ایم این )  پنجاب میں تاریخ ساز ترقی، صاف پانی، روزگار، رہائش، سڑکیں اور جدید صنعتی زون کے منصوبوں پر کام جاری ہے، صوبے نے حالیہ تاریخ میں پہلی بار 120 ارب روپے کی خطیر بچت کا سنگِ میل عبور کر لیا۔

پنجاب حکومت نے عوامی خدمت کے بلند ترین اہداف مقرر کیے، پنجاب کی زمین پر ترقی کی نئی راہیں کھولنے کے لئے تھل ایکسپریس وے پراجیکٹ کا شروع کرنے کا فیصلہ کیا گیا۔

پنجاب بھر میں مجموعی طور پر 30ہزار کلومیٹر سے زائد سڑکوں کی تعمیر ومرمت ہوگی ،صوبے میں صفائی اور پائیداری کا نیا سنگِ میل عبورہوا۔

پنجاب کی تاریخ میں پہلی بار اپنی چھت،اپنا گھر پروگرام سے 1 لاکھ 15 ہزار سے زائد گھروں کی تعمیر شروع کی جائے گی

اپنی چھت، اپنا گھر پراجیکٹ کے تحت پہلے فیز میں قرضوں کی 100فیصد واپسی کا ریکارڈ قائم ہوا، پنجاب میں پہلی بار واسا کے مراکز 5 سے بڑھا کر 19 تک کر دیے گئے۔