February 11, 2026
لاہور(پی ایم این):وزیراعظم شہباز شریف نے دولت مشترکہ وزرائے قانون کے اجلاس کے موقع پر پاکستان کو کامن ویلتھ ایکسیس ٹو جسٹس انوویشن ایوارڈ دوہزار چھبیس ملنے پر وزارت قانون و انصاف کو مبارکباد دی ہے۔
ایک بیان میں انہوں نے ڈیجیٹل اصلاحات اور انقلابی اقدامات کو سراہا جن کا مقصد انصاف تک رسائی بہتر بنانا ہے۔
وزیر اعظم نے کہا کہ یہ کامیابی وزیر قانون کی قیادت میں ٹیم کی غیر معمولی کوششوں کا نتیجہ ہے۔
انہوں نے کہا کہ یہ ایوارڈ انصاف تک رسائی کو مزید موثر بنانے اور قانونی شعبے میں ڈیجیٹل جدت کو فروغ دینے کیلئے عالمی سطح پر پاکستان کی کوششوں کا اعتراف ہے۔